El Folclore Charru

Cisastura Fraxinetum | Marciu 2009

Lus traxes tradicionales caltienen un las sinnas d' identidá representativas de ca territoriu. Salamanca yía una tierra perrica n' indumentaria popular. En Robrea, en la comarca del Rebollal, hay deillos atuendos qu' antiguamente usaban lus homes ya las muyeres, a diariu ya n' ocasiones especiales ya qu' entá perduran nel folclore la zona. Entamamos cul trax charru: 

En lus nuesos dís lus traxes abandonan lus arcones pa las folixas grandes ya lus acontecimientos importantes en la comarca. Yía' l folclore ya' l xeitu de deillos grupos pur caltener lus suos raigannos lus qu' amuesan a rietmu de gaita ya tamboril l' indumentaria tradicional.  Nesta comarca atopamos grupos asgaya, unu d' eillos yía' l "Fandangu", que sacara el suo cabeiru discu: "Cantaris Antigus de Roblea", un discu perguapu u escuitar lus cancios d' esta tierra charra. 

Unu lus bailes típicos de Robrea yía la xota dous pasos ou xota lixera que lus robredanos interpretan igual que comu lu bailaran lus suos enantepasáos. Solemnes en la compostura lus beilladores colócanse de caréu frontal en filas paralelas. Lus homes acompannan el rietmu cul soníu las castannuelas, peru soden las pías ya las piernas las que marcan la coreografía cun lus floreos del baille. 

Nas folixas esgrandiayás de Robrea, en la ceremonia relixiosa tres l' Rosariu y' ataviáos cun l' indumentaria más elegante' n manteos y' adornos béillase l' Ofretoriu. En lus tiempos en lus que l' economía doméstica taba a cargu lus criyáos prencipales, yeran las fías d' éstos mayordomos daquienes getaban la sua parexa pa emprincipiar el baille: Dos homes ya duas muyeres. 

Asemeyáu a l' ofertoriu ta' l Son, qu' interprétase' n la praza' l pueblu u puen participar toos aqueillas presonas que lu deseen; Pul suo pasu ceremoniosu y' "asentáu", comu dícese nel Rebollal, yía l' ocasión perfeuta pa que lus mayores participen la sua folixa.

El baille más allegre, l' emblemáticu de Roblea que más presta a la xente yía' l "Fandangu", nel que estaca' l rietmu dinámicu ya' l pasu carauterísticu' l pisotón nel suelu conocíu tamién comu "l' espuela" ou "matar l' aranna" ya las vualtas sobru unu mesmu del remate final. 

Toos estos bailles charros solemnes ya calmáos, comu ' l llugar u execútanse fuenon adautándouse al son lus cabeiros tiempos. En lus nuesos dís las folixas ya lus grandes acontecimientos serviden de marcu pa toos estos bailes que gracias a grupos folcklóricos caltiénense comu símbolu d' una cultura ancestral.