PRIMEIRA INTERVENCIÓN EN LLIONÉS NEL SENÁU D'ESPAÑA

Discursu ellaboráu dende la Plataforma pol Futuru de la Rexón Llionesa y lleyíu pol senador de Compromís Carles Mulet na Cámara Alta el 13 d'abril de 2016, qu'arrepresentóu la primeira intervención en llionés nel Senáu ya nas Cortes Xenerales d'España en tódala Hestoria.

"Col permisu del siñor presidente, siñorías, y con tol respetu, vou facer un esfuérciu pa tentar falar llionés durante un minutu, a ver si se me entiende, y vou facelu pa retrucar, na llingua de la sua propia tierra, al presidente duna Deputación de la Rexón Llionesa, a quien, durante’l passáu plenu, amolába-ye muitu que se puedia falar en valencián nel Senáu.

A mí, por contra, amuélame bien que nun se respeten las llinguas y culturas de los territórios d’España. Prestaríame qu’essa persona s’esforciara en algamar la oficialidá del llionés na sua provincia, comunidá autónoma y ayuntamientu, que alzara la voz nel sou própiu partíu dende onde se ñegan a llexislar subre la llingua llionesa, pesia’l mandáu establecíu nel sou Estatutu Autonómicu y al pronunciamientu del Conseyu d’Europa encamentando que’l llionés tenga presencia nel sistema educativu.

Yera buenu tamién, que dende la sua Deputación ficieran un poucu de trabayu pola llingua apurriendo axuda a la enseñanza del idioma en centros públicos, a la señalización de los topónimos tradicionales, a la celebración de eventos culturales en Llingua Llionesa ou a la espublización de llibros en llionés, cousas que por agora faen pola sua cuenta associaciones y pequeiños ayuntamientos en zonas falantes col sou própiu esfuerciu.

Reitero que la bayura del nuessu Estáu son las suas llinguas y culturas y aspero poder ascuitar el llionés n’aquesta cámara lu más lluéu possible, acupando’l sou llugar n’igualdá col restu d’idiomas.

Muitas gracias"